SA labing unang higayon napublikar ug kompirmado nga nagsabak si Ellen Adarna sa dihang usa ka netizen nipa-ambit sa iyang kuha nga hulagway sa PEP.ph.
Ang maong picture kuha niadtong Sabado samtang nagbakasyon ang celebrity uban si John Lloyd Cruz didto sa Amanpulo, Palawan.
Nagpamatuod sab kini nga wa pa makapanganak ang Kapamilya star sukwahi sa mga na-unang taho nga giingong nanganak na si Ellen didto sa HongKong.
Hangtod karon ang duruha wa gyud moluwat og bisan unsang pamahayag kalabot sa ilang estado ingon man ang isyu nga sa dili madugay makabaton na sila og anak.
Gi-dedma ni Ellen ang kaso nga iyang gi-atubang human ang ginikanan ni Eleila Santos mireklamo batok sa aktres sa gihimo niining cyber bullying, samtang si John Lloyd mibalibad ug mi-walk out sa suway nga pag-interview sa ABS-CBN veteran reporter nga si Mario Dumaual ngadto niya. (B)