Dear Papa Joe,
Kumusta, hinaut pa unta nga okay lang ka. Kon ako ang imong pangutan-on, dili gyud ko okay. Maong naaghat kog padala sa akong problema nimo para imo kong matambagan.
Tawga lang kog Charry, usa ka online seller. Usa man gud ko ka estudyante sa college unya nihit kaayo ang kwarta maong namaligya na lang ko pinaagi sa Internet. Online seller ang tawag namo.
Naa man sab gyud kita bisag ginagmay. Ang problema kay makonsimisyon gyud ko sa ubang customers kay daghan kaayog bogus buyer. Ang uban sigeg pa-reserve sa akong tinda pero dili diay to kuhaon. Ang uban taas na kaayo among conversation sa inbox pero dili diay mopalit, nag sayang-sayang ra gyud sa akong time. Naa say uban nga paespesyal ra kaayo. Gusto ipa-deliver dayon ilang item nga wala gani maka abot og P100 ang presyo. Dako pa ang akong plete kay sa akong ginansiya.
Paita nila Papa Joe, oy. Nakahibawo man unta silang estudyante ko unya ang akong effort, time ug money nihit gyud kaayo. Unsa kahay akong buhaton, mo-undang na lang kaha ko aning buhata, Papa Joe? Please tambagi ko.
CHARRY
Charry
Daghang salamat sa imong pangumusta nako. I’m okay. Ang atonghisgutan mao ang imong problema. Bata paman gud ka ug dili pa kaayo hanas sa pasikot-sikot sa negosyo.
Okay ra man kon moundang kag pamaligya. Naa man kaha mo support nimog hatag og kwarta. Maayo man tong duna kay sideline kay naa gyud kay makitang income bisag ginagmay. Natural ra kaayo nang mga kustomer nga lain-laing taras. Ikaw may namaligya, ikaw mag adjust, ug nila pa: customer is always right.
Ang negusyo nagkinahanglan gyud na og time, Day, puhonan ug effort. Wala nay sayon rong panahona. It comes with a price. Antos ug pasensya lang sa gyud kay wala paman ka maka graduate unya nag need kag income.
PAPA JOE
(Sa inyong tampo ipadala sa papajoesuperb@gmail.com)