ANG kalidad nga serbisyong medikal maoy muhon alang sa paghatag og gahom sa katawhan.
Sa paghatag og kasingkasing sa iyang social development mantra nga “Building the Nation Together” uban sa Filipinos, ang CEMEX Holdings Philippines nagsuporta sa pagtukod sa bag-ong Barangay Health Center sa Barangay Tina-An sa City of Naga sa Cebu.
Ang proyekto gipangunahan ni Tina-An Brgy. Council ug City of Naga Health Office.
Ang Barangay Health Center nagsilbi nga lying-in facility alang sa pagpanganak ug ubang serbisyo sama sa pre-natal consultation, children’s immunization, ug anti-drug use counselling.
Ang CEMEX nikuha usab og doktor nga mobisita sa maong sentro sa pag-monitor sa panglawas sa mga lumolupyo ug paghatag og free consultation ug free medicine gikan sa City of Naga Health Office.
Ang beneficiaries nipadayag sa ilang pagpasalamat sa health center sukad sa iyang pag-turnover sa barangay sayo ning tuiga.
Sumala ni Jocelyn Taray, pangulo sa Barangay Health Workers, kadaghanan sa mga pasyente nalipay sa proyekto nga naghatag kanila sa mas duol, hamugaway ug limpiyo nga sentro.
Ang mga boluntaryo sa CEMEX nanglimpiyo sa dapit sa wala pa kini gitunol sa barangay.
Ang Barangay Tina-an maoy dapit sa CEMEX subsidiary APO Cement Corporation diin nagtagad sa iyang pagka komitado sa pagpalambo sa panglawas ug kaluwasan sa ilang operasyon sa dapit.
Ang CEMEX nihimo niini pinaagi sa Social Development and Management Program (SDMP) sa APO Cement Corporation.
Gawas sa pagpalambo sa panglawas, ang SDMP nipaumento usab sa kinabuhi sa mga lumolupyo pinaagi sa livelihood, infrastructure development, ug education programs sa City of Naga.
Ubang social development initiatives sa CEMEX sa Cebu lakip sa “Bancambulansya,” o boat ambulance, housing for employees ug underserved community members, ug Adopt-a-Species program for conservation, ug uban pa.
Ang CEMEX Philippines maoy manufacturer sa eco-labeled cement brands sa nasod sama sa Island Portland Cement, Palitada King, Rizal Portland Super, Rizal Masonry Cement, APO Portland Premium, APO Portland Cement, APO Masonry Cement, ug APO Pozzolan. Sa dugang kasayoran, bisita sa www.cemexphilippines.com. (PR)