NAUGDAW ang duha ka mga panimalay samtang partially damaged ang laing usa ug nakuryentehan pa ang usa ka bata human niulbo ang kalayo niadtong Sabado sa hapon sa Zone-7, Sta. Cruz, Tagoloan, Misamis Oriental.
Basi sa impormasyon gikan sa Misamis Oriental Fire Station nasayran nga moabot ngadto sa P30 mil ang danyos sa maong sunog.
Nakuryentihan usab ang usa ka 12 anyos nga lalaki atol sa hitabo kinsa gituohang nakatunob sa linya sa kuryente nga wala maputol.
Duha ka mga anggulo ang gitutokan karon sa tinugyanan sa Misamis Oriental Fire Station, ang nabiyaan nga nilung-ag ug electrical.
Nasayran nga anaa lamang sa unang alarma ang maong sunog human usab nga nadali kini sa pagpakgang ug wala na mikuyanap pa sa laing mga panimalay.
Samtang ang nakuryentihan nga batan-on anaa pa sa tambalanan.