MIUNDANG una si Senator Manny Pacquiao sa iyang training camp kagahapon aron ipadayag ang iyang mensaheng pahalipay ngadto sa bag-ong gikasal nga sila si Prince Harry ug Meghan Markle pinaagi sa social media, taho sa www.abs-cbnnews.com.
Ang Pambansang Kamao sa Pilipinas nag-post og throwback nga hulagway sa iyang Instagram account atol sa iyang pagpakighimamat kang Prince Harry niadtong, 2015.
Aduna kini caption nga: “Congratulations Prince Harry and Meghan. We are so happy for you both! May God Bless you.” Sa ilang panagkita, nagdungan og panihapon ang duha didto sa Buckingham Palace. (ESL)