"I declare the Philippine National Games (PNG) open!"
Mao kini ang kataposang linya human sa taas nga pakigpulong ni Presidente Rodrigo Duterte atol sa pormal nga pag-abli sa PNG, dayong hugyaw sa mga magduduwa.
Sa pakigpulong ni Duterte, kanunay niya gipahinumdoman ang mga batan-on nga dili moabuso sa gidiling drugas ug motabang sa kampanya sa kagamhanan.
Ang PNG, gawas sa pagkuha og mga maayong magduduwa alang sa internasyonal nga kompetisyon, dugang sa presidente, usa sa pamaagi sa paglikay sa mga batan-on gikan sa bisyo labina sa drugas.
Makita sa ubos ang pipila ka hulagway sa kasadya sa pag-abli sa PNG sa Cebu City Sports Complex nga kuha ni Alex Badayos sa SunStar Cebu. (RRM)