GIILA ang lungsod sa Dalaguete, Sugbo isip “Vegetable Basket of the South.”
Duna kini 33 ka mga barangay lakip sa Barangay Caliongan. Sagad sa mga barangay naa sa bukirang dapit diin pag-uma ug pagtanom og mga utanon mao ang nag-unang panginabuhian sa katawhan.
Niadtong 2011, ang Dalaguete Municipal Social Welfare and Development Office (MSWDO) nagtukod og asosasyon sa kababayen-an sa Barangay Caliongan nga gitawag og Caliongan Skilled Women Association (CASWA).
Amg asosasyon dunay 28 ka mga babaye nga sakop ug kadaghanan kanila nag-uma ug minus og kita.
Gawa pa, dili kanunay o seasonal lang ug ang uban grabe pa kabug-at sa trabaho apan dili taas nga suweldo.
Tungod sa kaabunda sa mga utanon sa dapit, ang MSWDO ubos sa pagpanutlo ni Evelyn Sarmago nakig-alayon sa Department of Science and Technology (DOST), nga nagbansay sa ilang mgsa sakop labi na sa pagproseso sa mga utanon sama sa paghimo sa kalabasa ug kamunggay ngadto sa noodles.
Dunay laing mga partisipante gikan sa ubang baranga sama sa Mantalongon aron pagtabang sa kinitaan sa pamilya.
Sulod sa pipila ka adlaw nga pagbansay, ang mga sakop sa CASWA daghang naagian sa mga hagit, sama sa pinansiyal nga bahin alang sa puhonan.
Dugang pa, ang grupo walay igong ekipo sa paghimo sa kalabasa ngadto sa noodles uban sa kamunggay, diin nakalangay sa ilang produksyon.
Apan determinado sila ug ning-apil sa ubang pagbansay, orientations ug seminars ubos sa lokal nga kagamhanan ug DOST, aron mapadayon ang ilang proyekto o negosyo.
Niadtong Disyembre 2014, ang Department of Social Welfare and Development (DSWD), Sustainable Livelihood Program (SLP), Implementing Project Development Officer (IPDO), si Merlita L. Faburada naghimo og assessment ug validation sa kuwalipikasyon sa CASWA nga makadawat sa department’s livelihood assistance base sa SLP implementing guidelines.
Suwerte, ang CASWA SLP nakapasar alang sa assistance ug nakadawat og P279,655.00 isip Seed Capital Fund (SCF) gikan sa DSWD SLP ug Bottom-Up Budgeting (BUB)
Sa pikas bahin, ang LGU niluwat usab og P35,294 iip katugbang nga puhonan sa asosasyon.
Niadtong Hulyo 2015, ang asosasyon nakaabot sa lang damgo sa makina ug ekipo sa paghimo sa kalabasa uban sa kaungat nga noodles.
Ang DSWD-SLP padayong nagtuon sa pagproseso sa mga utanon.
Gawas sa technical support sa vegetables noodles production ug squash noodles training uban sa packaging ug labelling pinaagi sa DOST.
Human sa project implementation, ang CASWA SLP makahimo na og 2,800 packs sa noodles matag buwan depende sa demanda. Ang matag dunay 50 grams nga magkantidad lang og P5.
Ang asosasyon narehistro sa DOLE ug giila sa lungsod isip Most Active Livelihood Association. Nagpadayon ang paglambo sa ilang negosyo sa asosasyon. (PR)