Dear Noy Kulas,
Ambot naglibog ko kon gugma ba ning amoa or gana ra. Naa koy amiga nga schoolmate nako four years ago. Nagdako siya sa abroad ug nibalhin na diri og eskwela kay mas gusto ang iyang parents nga ari siya diri. Wan a hinuon siya ganahi mobalik sa abroad kay mas ganahan kuno siya diri.
Bisan nagtrabaho na mi, padayon ang among communication hangtod nisamot og kasuod. Wa namo damha usa ana ka outing namo, naay nahitabo. Kuyog baya namo ang tagsa namo ka uyab pero na-surprise mi kay naa nahitabo namo. Sukad ato, Noy, mangita na mi og time nga makahimo mi pero, naa mi tagsa ka uyab. Di sad mi kaingon nga di namo love ang among tags aka uyab kay dugay na pud among relationship ani nila.
Kuyawan kon momabdos ang akong amiga kay lisod mahibaw-an kay mao pud na ilang gibuhat sa iyang boyfriend. Naghisgot na og kasal ang lalaki mao kuyaw madisgrasya nga momabdos siya unya di ang iyang uyab ang amahan. Ako nang giingnan ang akong amiga ani pero ingon niya nga di namo undangon ang among relationship kay mingawon mi.
Noy,gugma kaha ning akoa sa iyaha or gana-gana ra sa among gibuhat? Unsay timailhan kon love ba ?
NIKOY
Nikoy,
Putla og few months ang inyong communication ug panagkita. Kon mingawon mo sa usag usa, di tungod sa sex, kon di presence sa usag usa, kana dako ang posibilidad nga gugma na. Labina gyud kon inyo usab nga I-cool off ang tagsa-tagsa ninyo ka relationship aron mas maklaro ninyo kinsa ang inyong mas gikamingawan, ang inyo bang tagsa tagsa ka uyab, o ang usag usa ninyo. Diha, anha ninyo masukod unsa ang inyong pagbati.
Unfair sa inyong tagsa-tagsa ka mga uyab nga inyo silang gipalaom ug gipatuo. Unya kon masakpan mo, kagubot ray sangkoan niana. To be fair, mas maayong pamuwagan ninyong tagsa ninyo ka uyab kon moabot nga makakita na mo kon unsa gyud nang inyo, gugma o gana lang sa usag usa.
Usa sab sa disadvantage ana nga relasyon kay way klarong padulngan ug magkuwang mo sa trust sa usag usa tungod kay di maayo ang sinugdanan sa ingon niana nga relasyon.
NOY KULAS
(Alang sa imong problema, e-mail sa kulassuper@sunstar.com.ph ug rojval69@yahoo.com)