PATAY na nga napalgang naglutaw ang usa ka lolo kagahapon mga alas 8:55 sa buntag diha sa Zone 8, Kiraba, Bayabas, siyudad sa Cagayan de Oro.
Naila ang biktima nga mao si Julieto Regodon Sr., 74, minyo nga residente sa maong dapit ug wala nay sapot sa taas nga bahin.
Sa impormasiyon gika sa Police Station 4 (PS4) sa Carmen, sa pagpangulo ni Police Major Ian Borinaga, nasayran nga sumala sa nakasaksi nga si Janeses Hassan, 32, ulahing nakita si Regodon nga naligo.
Gibutyag ni Borinaga nga gitoohang nalumos kini sa lalom nga bahin apan dili pa makompirma ang giingong posibleng gi-atake.
"Wala man nalumos lang gyud siguro, lalom na portion," matud niini.
Ang patay nga lawas ang gidala na sa St. Peter Funeral Homes.