USA ka gituohang kawatan ang nasapon samtang sulod sa usa ka panimalay sa Block 6 Lot 44 Phase 23 Villa Nena, Barangay Balulang, dakbayan sa Cagayan de Oro.
Ang suspek naila nga si Birbel Almarion, 24, taga Manggahan sa susamang barangay.
Ang anak sa nanag-iya sa maong balay ang nakasapon sa suspek nga gituohang tumbok kuhaon niini ang tulo ka mga cellphone nga gibanabanang mokantidad og P12 mil.
Sa nahipos nga impormasyon, wala namatikdan sa mga tawo sa balay ang pagsulod sa suspetado.
Sa pagsulat niini nga balita, temporaryong gipahimutang ang suspek sa Police Station No.4 Carmen alang sa posibleng pagpasaka og kaso. (Franck Dick A. Rosete, Phinma-COC intern)