SA ikaduhang higayon ning buwan sa Mayo, mosulbong na usab ang presyo sa lana sa Pilipinas.
Karong adlawa mao ang labing dakong ambak sa presyo.
Ang gasolina mosaka og di mominos P1.50 matag litro samtang labing minos P1 ang umento sa diesel samtang ang kerosene P0.95 matag litro.
Sukad niadtong Abril 1 ning tuiga, ang umento sa presyo sa matag litro sa gasolina apil na karong adlawa, miabot og di mominos P4.50.
Ang diesel miumento usab og di mominos P4 matag litro sukad gihapon niadtong Abril 1.
Matod sa Department of Energy (DoE), ang usa sa mga hinungdan sa pagsaka sa presyo mao ang taas nga demand sa lana ug pagpaminos sa produksyon sa Organization of Petroleum Exporting Countries (OPEC).
Laing dakong hinungdan mao ang pagkanaug sa balor sa peso batok sa dolyar. (REV)