DUHA ka mga tawo ang nangaigo sa kilat sa pagbunok sa uwan niadtong Dominggo sa hapon, usa kanila namatay.
Ang duha ningpasilong sa usa ka payag nga nagsilbing waiting shed sa Barangay Canlumampao, Dakbayan sa Toledo.
Si Jayson Alicaba, 30,ulitawo nagpuyo sa nahisgutang lugar, dead-on-arrival (DOA) sa ospital human nasunog ang lawas.
Samtang naaangol si Antonio Camingao, 35, ulitawo, taga Sitio Jardin, Brgy.Carmen, kinsa nakaangkon og 3rd degree burns sa kalawasan.
Si SPO1 Marciano Suarez, imbestigador sa Toledo Police station nga nahinabi sa Superbalita Cebu, nibutyag nga ang mga biktima nipasilong sa payag daplin sa dalan nga nagsilbing waiting shed dihang nibundak ang kusog nga uwan. (GPL)