GIPAHIBALO ni Misamis Oriental Governor Bambi Emano nga siya ang napiling Chairman sa Sulong ang Pagbabago Movement sa Northern Mindanao Chapter.
Ang movement gilusad niadtong adlawng Huwebes aron pagsuporta sa pagdagan ni Special Assistant to the President Christopher Lawrence "Bong" Tesoro Go sa pagka senador.
“Kon wala sila masayop ako ang ilang gipili nga Regional chairman sa Sulong ang Pagbabago Movement sa Regional level nga gilangkoban sa Misamis Occidental, Camiguin, Bukidnon ug Lanao del Norte,” matud ni Emano.
“To hopefully urge SAP Bong Go to run for senate and hopefully once if he will be able to achieved, run and win ako dako kayo ang kalipay kay once more there will be another Mindanaoan who will be sitting in senate and bisaya pa gyod. Dili ta magsunggo kon mangayo ta didto og programa ug proyekto didto kaulohan,” dugang niini.
Gipaabot ni Emano nga dungan sa paglusad sa Sulong ang Pagbabago Movement nanumpa sab ang mga myembro niini nga gilangkoban sa nagkadaiyang senador, kongresista, gobernador, mayor ug uban pa aron suportahan ang kandidatora ni SAP Bong Go sa hawanan sa senado sa umaabot nga piliay. (SVB)