Missing human naligo sa dagat

MISSING sa pagsulat ning balita Martes, ang lalaki nga naligo sa usa ka beach resort sa lungsod sa Opol, Misamis Oriental.

Giila ang nawala nga si Manuel Villar, hingkod ang pangidaron ug lumad nga taga United Village, Pangantucan, Bukidnon.

Gibutyag ni Police Officer 3 Arnel Acero sa Opol Police Station nga kuyog sa biktima niadtong tungora iyang pamilya nga naligo sa resort ug uwahi niining nakauban iyang pag-umangkon.

Giingong lango kini sa ilimnong makahubog niadtong tungora ug nipa-ingon sa lawom nga bahin sa dagat.

Daling gipangita sa Opol Rescue Team si Villar apan wala gihapon kini makit-an hinungdan nga nagpatabang na kini sa kapulisan.

Malaumon ang pamilya ni Villar nga buhi pa kini niining tungura.