Dear Atty. Joan,
Ako si Khem, anaay anak nga si Bibi. Kini si Bibi kay and bunga sa among paghigugma ni Juan. Dili malimod ni Jose nga siya ang amahan kay kini giila ni Juan ug ang apilyedo ni Bibi kay ang kana kang Juan.
Duha na buwan milabay nga wala na gayoy pakita si Juan sa among anak. Adto ra nako nasusi nga si Juan nibalik ug puyo sa iyang mga ginikanan ug nipadayon og eskwela. Wala siyay trabaho ug wala na usab suport nga gihatag si Juan sa among anak.
Unsaon man ko ni?
Khem
Dear Khem,
Ang balaod mihatag ug obligasyon sa mga ginikanan nga mosuporta sa anak. Ang atoang Family Code, Article 194 miingon nga ang “Support” naglangkog ug bisan unsa nga kinahanglan para sa kabuhi, panimalay, kinahanglan, edukasyon ug transportasyon nga magadepende sa kaya sa kwarta sa pamilya.
Ang kining support, usa kini ka personal nga obligasyon nga dili mapasa sa uban. Kini usab kay mag-agad sa kaya sa tawo. Apan atong timan-an nga ang kaya sa tawo ug ang kinahanglan sa bata kay mag-usab-usab base sa dagan sa panahon.
Sa imong istorya, miingon ka nga si Juan kay nibalik ug pag eskwela ug wala kini trabaho. Sa ing-anang sturyaha, wala gyud siya mismo mahatag ga supportar sa bata. Apan busa sa ing-ani nga kahimtang, pwede pa gyapon mo magsabot kung unsaon ninyo pag-pangita ug paagi sa pagsupportar sa bata. Kung maabot na ang panahon nga makakita na ug trabaho si Juan, pwede na gayod ka mudemanda ug supportar base sa kaya ni Juan ug sa kinahanglanon ni Bibi.
Atty. Joan
Sa Children's Legal Bureau (CLB)
Pahibalo: Kini opinyon lang nga nagbase sa inyong lakbit-saysay ug pwede mausab kon dugang mapatin-awan ang mga detalye. Kon aduna pa kamoy pamgutana bahin sa katungod sa mga bata, mahimo mokontak sa hotline 0908-896-0355.