Dear Papa Joe,
Ako diay si Nelia, 28 years old, nagpuyo sa usa ka squatter’s area dinhi sa syudad sa Sugbo. Ang akong problema mao ang akong mga silingan nga mga himantayon, tabian ug libakera. Ako ra gyud ilang tsismisan sukad nidaot ko ug ni sexy na ang akong lawas. Sa una tambok man gud kaayo ko pero dihang nakahukom kong seryusohon ang pag diet ug exercise. Niniwang gyud ko ug nilutaw na ang akong ka gwapa.
Siguro na insecure nako akong mga silingan nga himantayon kay ila kong sigeahn uo panabi nga duna kuno koy laing lalake nga batan-on. Ang akong bana man gud medyo edaran na ug dili gyud matawag og gwapo. Karon nga ni gwapa na ko ug mag sige na kog pa sexy ug sinina. Sige pod silag panabi nga duna gyud kuno koy laing lalake nga maoy hinungdan sa akong pagkausab sa akong pamayhon.
Nahadlok ko nga basin unya madugay motuo pa nila ang akong bana. Bisag ingon ana lang na og dagway ang akong bana, love gyud na nako siya, Papa Joe. Please tambagi ko kon unsay akong buhaton.
NELIA
Dear Nelia,
Maayong adlaw nimo. Ang imong maayong buhaton nga ayaw nag tubayi ang imong mga silingan nga matod mo libakera, himantayon ug tabian. Nasayod ka naman diay nga mao nay ilang kinaiya, nganong imo pa man tagaan og pagtagad? Buhat lang sa angay nimong buhatonon, as long as wala ka nakapasakit og laing tawo. Labaw sa tanan wala man kaha ka nagpangayo nilag bugas.
Parti sa imong bana, pasabta lang siya, estoryahi siya nga mao ni mga tsismis sa imong mga suyaon nga silingan. I’m sure, nakaila ang imong bana sa imong pagkatawo ug dili ni magpatakag tuo nga way basehan. Duna sab baya nay instinct ang lalake. Mao lang na.
PAPA JOE
(sa inyong tampo ipadala lang sa papajoesuperb@gmail.com)