Triplets ni Ramona Revilla mga cute ug artistahon

MANILA- Nia karon sa nasud ang former sexy star nga si Ramona Revilla. Si Ramona ang unang talent ni Lito de Guzman ug saksi ako sa humble beginnings ni Ramona sa showbiz. Sigeng nakabantay kaniya ang iyang inahan nga si Mommy Sylvia. Di jud makaporma ang mga lalaki kang Monang that time.

Persian ang tatay ni Ramona, ang real name niya is Mohsyl Ensafian. Mohsyl came from her father’s name, Mohammad and Sylvia.

Through Facebook, gi-imbitar ako ni Monang (kauban si Lito de Guzman ug Peter Ledesma) sa iyang bonggang balay sa may BF Homes, Paranaque the other night. Ramona is married now to Engr. Frederick Farrell, usa ka Amerikano.

Gihatagan sila og mga gwapa og bibong triplets named Freohsyl, Fersiana og Frederrie . Game sa piktyuran ang mga bagets nga artistahon kaayo (see picture).

Nag-guest si Ramona recently sa “Magandang Buhay” kauban ang triplets.

Gi-tour kami ni Monang sa iyang balay og naloka ako sa bags and shoes collection ni Ramona. Nai-vlog ko kini og makita kini sa akong Youtube Account.

Pero nasayod ba kamo nga ang maong balay dili gumikan sa iyang adunahang bana kundi kaugalingong kwarta ni Monang ang gipalit niini niadtong 2008 pa, dalaga pa siya. Kumita nang husto si Ramona sa iyang pag-abroad-abroad ilabi na sa Guam.

Nagkaila si Monang og Frederick through Ramona’s uncle nga nagtrabaho sa kumpanya, diin usa si Frederick sa naghupot og dakong katungdanan. Na-intriga si Frederick sa hulagway ni Ramona sa desk sa iyang uncle, gipangutana niya kung kinsa ang maong babaye og nagka-interest si Frederick nga ila-ilahon kini.

Puro negative ang nakaabot kang Frederick kabahin sa Pilipinas ilabi na ang kapobrehon.

Wa niya damha nga ang mosugat sa iya sa airport (Ramona) naka-Jaguar.

Fast forward ... yun nga, gi-blesingan sila og cute na cute, ug super bibo nga triplets nga pang-artistahon jud ang mga dagway. Nag-vtr na ang triplets so dili ako makurat kung one of these days makita na sila sa commercials.

Sa laing bahin, moadto una sa Japan ang magtiayon kauban ang ilang triplets. Mobalik pa sila sa Pilipinas sa dili pa sila mopauli sa US.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph