Sunog sa Megamarket sa Cotabato City gituyo?

COTABATO CITY -- Gikaon sa dakong kalayo ang Megamarket sa dakbayan alas 10:30 sa gabii niadtong Lunes.

Sumala kang Cotabato City Police Office director, Senior Superintendent Rolly Octavio nga nagsugod ang kalayo sa ubos nga bahin sa megamarket ug misaka sa ikaduhang andana.

Tungod sa kadako sa kalayo, walay nakuha ang mga tag-iya sa dul-an duha ka libo ka mga stalls sa palengke.

Bisan og abtik nga nagresponde ang mga bombero sa Bureau of Fire Protection (BFP), apan naglisud sila sa pagsulod sa megamarket tungod sa kadako sa kalayo.

Nahiabot sab ang mga fire trucks gikan sa probinsiya sa Maguindanao, North Cotabato ug Autonomous Region in Muslim Mindanao (Armm) nga mitabang sa pagpalong sa kalayo.

Miabot sa tulo ka oras ang kombati sa mga kabomberohan sa pagpalong sa kalayo hinungdan nga wala na makatapon sa mga kabalayan.

Pa-imbestigahan sab ni Cotabato City Mayor Cynthia Guiani Sayadi ang pagkaugdaw sa palengke gumikan nakadawat siya og taho nga gituyo sa pagsunog ang megamarket.

Nagpadayon ang imbestigasyon sa BFP Cotabato City sa minilyon ka pesos nga damyos ug ang tinuod nga hinungdan sa sunog. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph