MAOY namat-an sa pamilya nga wala nay kinabuhi ang ilang padre de pamilya sa Balongis, Barangay Balulang, dakbayan sa Cagayan de Oro.
Giila ang biktima nga si Leonardo Mabaylan, usa ka senior citizen, residente sa susamang dapit.
Ang anak sa biktima nga si Jun-Jun nisaysay nga nakurat sila og maayo dihang pagmata nila Miyerkules sa buntag, Mayo 23, bugnaw ug nigahi na ilang amahan kay ila unta ubanon sa pagpamahaw.
Labihan ang dangoyngoy sa iyang mga sakop sa nahitabo niini ug ngani nitawag pa sila og ambulansya aron kini matabang apan patay na dihang gidangat sa Jr Borja Hospital sa Carmen.
Matud ni Jun-Jun nga iyang amahan gahubakon ug ga nebulizer na gani kini.
Niadtong gabii sa wala pa kini natulog, nagbabay pa kini sa iyang asawa ug niingon nga mag amping kanunay nga maoy gituohang pamaalam na niini. (SVB)