PATAY ang usa ka lola human nahulog sa tulay sa JR Borja Bridge, dakbayan sa Cagayan de Oro.
Giila ang biktima nga si Enrica Tagalog, 86, taga Barangay 7 ning dakbayan.
Si Narciso Quan, sakop sa Roads and Traffic Administration (RTA), namahayag nga nabulasot sa bangag si Tagalog tungod kay ang tulay sa dapit dako og space.
Posibleng wala nabantayan hinungdan nabulasot paingon sa ubos miresulta sa pagkabali sa tiil niini.
Dali sab nga nakaresponde ang Police Station 1 sa Divisoria ug matud ni Senior Police Officer 1 Rommel Villaro nga wala silay nakitang foul play sa kamatayon niini.
Wala silay nakitang gipanamas-tamasan ang biktima ug purely aksidente ang nahitabo.
Subay sab sa kaparyentihan sa biktima mga galakaw lamang kini kalit nga walay pananghid tungod kay aduna kini gihambin nga Alzheimers.