NIABOT na ang kampiyon hasta ang challenger alang sa ilang pagkulit og tipik sa kasaysayan.
Sunodsunod nga nangabot sa Fresno, California sila si International Boxing Federation (IBF) super flyweight champion Jerwin Ancajas ug ALA fighter Jonas Sultan sa miaging adlaw.
Ang duha parehong ningpadayag sa ilang kaandam alang sa makasaysayon nilang panagharong karong Dominggo (RP time) sa Save Mart Center sa Fresno.
Mao kini ang labing unang higayon sulod sa kapin sa siyam ka mga dekada nga duha ka Pinoyng mga boksidor ang mag-unay alang sa usa ka world title fight.
Si Ancajas ug ang iyang 14-man entourage unang miabot sa Courtyard-Marriot unya wala ra’y oras, miabot sab ang grupo ni Sultan.
“Handa na po sir. Lahat ng kakayahan ko sa boksing ilalabas ko,” matod ni Ancajas sa interbyu sa Spin.ph.
Si Ancajas gikonsiderar nga inilog ning awaya.
Sa iyang bahin, si Sultan miasoy nga mao kini ang iyang pangandoy ug iyang paninguhaon nga dili kini mausik.
“Ito naman po ang pangarap ng lahat ng boxers, ang lumaban at manalo ng world championship,” batbat ni Sultan. (ESL)