GIPAMATUD-AN sa kaluha nga Filipino– Japanese judukas nga angay silang hatagan og luna sa national team human nila gipangdominar ang ilang mga kontra sa Philippine National Games kagahapon sa Cebu City Sports Center (CCSC).
Sila si Shugen ug Kensei Nakano, kinsa mga sakop sa delegasyon sa Pasay City, impresibo nga mitapos sa ilang tagsatagsa ka kontra aron labnihon ang duha ka gold medals.
Si Shugen unang miaway ug midaog (via ippon) batok kang Al-Rolan Llamas aron labnihon ang gold medal sa men’s 66 kg class.
Misunod og away si Kensei ug gilupig niini ang iyang kontra nga si Czar Augustus Bayas sa Taguig City aron birahon ang gold medal sa men’s 73kg class.
Ang magsuon morepresentar sa nasod alang sa 18th Asian Games karong Agusto sa Jakarta, Indonesia.
Nakarepresentar na sila sa nasod sa miaging 29th Asian Games sa Kuala Lumpur, Malaysia diin nakalabni sila og bronze medal. (Clark Jude Suhot, CNU Comm Intern)