MAS misibaw karon ang hulga ni kanhi mayor Mike Rama nga magpapili pagka-mayor sa Cebu City batok kang incumbent mayor Tomas Osmeña og bisan sa iyang kauban sa Barug Team Rama nga si Bise Mayor Edgar Labella.
Ang iyang gipakadak-an mao kadtong usa ka survey sa sa Abril 29 ngadto sa Mayo 01 diin nakakuha si Rama og trust rating nga +32 samtang si Presidential Assistant for the Visayas Mike Dino nakakuha og +9. Wa naku mabasa kon pilay kuha sa uban.
Ang akong gikahibudngan nganong naapil man si Sec. Mike Dino nga dugay na man siyang mibalibad sa pagdagan pagka-mayor ug ubang position? Naapil usab ang survey og miguwang uyon ang kadaghanan sa taga-Cebu City sa Bus Rapid Tansit (BRT) project.
Alang kanako lisud basihanan ang mga survey karong panahuna kay mga usa ka tuig pa ang eleksiyon.
Mag.agad usab kini sa preparasyon ni sa Bando Osmeña Pundok Kauswagan ug sa PDP-Laban. Daku ang epekto sa local politics kon motinuod gayud sa iyang pagpaluyo og pulitiko si Presdidene Duterte .
(msr1144@yahoo.c0m)