GIHATAGAN og kasayon ang mokuha sa ilang driver’s license card human nga ang Land Transportation Office (LTO) 7 mibutang og dugang Temporary Offsite Printing Office (TOPO) sa dakbayan sa Lapu-Lapu.
Kini gituyo aron nga kaminusan ang backlog sa license cards nga pending for release.
Ang bag-ong TOPO nahimutang sa ikatulong andana sa Island Central Mactan (ICM) Lapu-Lapu nga gilusad niadto lang Mayo 21.
Gipahibawo ni LTO 7 Director Victor Caindec nga ang TOPO ICM moatiman sa pag-printa sa backlog nga license cards nga aduna nay lima ka tuig nga validity period o bisan ang resibo nga gi-isyu gikan niadtong Nobiyembre 2, 2016 onwards nga gilukat sa mga district office 7.
Ang bag-ong buhatan dunay tulo ka working stations nga makahimo sa pagprinta og 300 ka license card ssud sa usa ka adlaw. Ang TOPO ICM bukas gikan sa 9:00 sa buntag ngadto na sa 7:00 sa gabii gikan sa adlawng Lunes ngadto na sa Domingo. (FVQ)