HUMAN gipasirad-an ni Mandaue City Mayor Luigi Quisumbing niadtong Enero, ang MO2 Restobar niabli pag-usab human gikonsiderar sa mayor ilang letter of reconsideration.
Sa ilang suwat, nisaysay ang management sa MO2 Restobar nga gamay rang mga insidente sa physical injury nga nalambigit sa ilang bar ug kini misaad nga mokuha nag permit.
“They filed a letter of reconsideration asking the city to reconsider its decision regarding its closure. They’ve pointed out that the years that they have operated, there were very minimal incidents involving MO2,” matod ni Atty. James Allan Sayson sa City Legal Office sa dihang nahinabi sa Superbalita Cebu kagahapon.
Matod niya nga nagayo sab og pasaylo ang management sa wa paglukat og saktong business permit, kahinumduman nga nadiskubrehan nga provisional business permit lang ang gigamit sa maong bar sa operasyon suds a duha ka tuig.
Ang MO2 Restobar inubanan sa The Sentral ug Club Hatchi gipasirad-an ni Quisumbing niadtong Enero human nihimo og kalihukan atol sa Sinulog bisan walay permit sa city hall nga nakahatag og trapiko sa dapit.
Laing rason sa pagpasirado ni Quisumbing mao nga nalambigit ang Club Hatchi ug The Sentral sa taas nga kaso sa physical injuries suds a ilang bar diin mga tag-iya o bouncer ang nalambigit sa pagpangulata.
“We recognize the fact also nga they have a remedy, nga pwede nato imposan og penalty. On certain conditions sama sa ni-undertake sila nga they will not commit the same mistake again,” ni matod ni Sayson sa SunStar Cebu. (JPP)