Miyuki nakabulawan; igsuong Rexor pakyas

CEBU. Kini ang pagdepensa ni defending champion Rexor Tacay sa Davao City, tuo, apan nasakitan sa iyang tuhod atol sa senior men's -67 kilograms quarterfinals match batok Dagupan City's Jude Michael Uson, 5-3, sa Philippine National Games (PNG) 2018 didto sa SM Seaside Sky Hall sa Cebu City niadtong Huwebes. (Macky Lim)
CEBU. Kini ang pagdepensa ni defending champion Rexor Tacay sa Davao City, tuo, apan nasakitan sa iyang tuhod atol sa senior men's -67 kilograms quarterfinals match batok Dagupan City's Jude Michael Uson, 5-3, sa Philippine National Games (PNG) 2018 didto sa SM Seaside Sky Hall sa Cebu City niadtong Huwebes. (Macky Lim)

CEBU CITY -- Samtang si Miyuki Tacay sa Davao City midaug sa senior women's -68 kilogram niadtong Miyerkules, ang selebrasyon naliso sa kasubo human ang iyang maguwang nga miyembro sa national karatedo team, napildi ug na-injured sa iyang senior men's -67 kgs quarterfinals match niadtong Huwebes sa Philippine National Games (PNG) 2018 karatedo competition sa SM Seaside Sky Hall.

Ang 25-anyos nga Rexor, bag-ohay lang nakabulawan sa 15th SBY Cup International Indonesia Karate Open, di na makatigi sa semifinals human makahinabi ang iyang maguwang nga si Bern, medical team ug karatedo officials kinsa naneguro sa iya nga makaapil gihapon sa umaabot nga Asian Games 2018 sa Indonesia.

Napildi siya ni Jude Michael Uson sa Dagupan City sa quarterfinals. Ang uwahi nakuha ang 3-0 lamang apan si Rexor mikamang pabalik sa away tungod sa luyo sa kasakit nga nabati human naigo ang iyang tuhod ug misulay nga tumbahon si Uson.

Mihilak si Rexor samtang naglingkod sa medical team section diin ang doktor mibutang og ice sa iyang tuhod samtang si Bern nag-istorya kaniya ug Miyuki, laing karatedo executives ug teammates sa Philippine karatedo team nga mihupay kaniya.

Sa pakighinabi kang Berns sa SunStar Davao pinaagi Facebook live, miingon: "It's a suspected ACL tear. The doctor wanted to give him a chance to play and just stop if he could not continue anymore. But I talked to him and he told me, 'masakit man masyado, kuya', so hindi na talaga pwede. Total assured naman siyang maglaro sa Asian Games, mas mahirap kung pipilitin pa niyang maglaro."

Sa bahin ni Rexor, siya nagsulti nga wa na siya makahinumdom kung naunsa pagka-injured.

"Wala ko kabalo kay basta sa dula adrenalin seguro, ga-move ko by instinct basta na-feel nako naipit akong tuhod ug naay ni-crack, kabalo nako delikado na gyud kasya tong dati."

Iya sab gipaambit ang uwahi nga injury niya niadtong PNG 2014 apan wa kini nabuak.

Mooailawom siya og tests lakip MRI ug rehabilitation.

Samtang si Miyuki, gold medalist sa Indonesia, gitagak si Darlyn Ferrer sa Mandaluyong City, 1-0, sa ilang championship match.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph