TALIBON, BOHOL — Samdan nga gidala sa tambalanan ang usa ka lalaki human giingong gidunggab gamit ang icepick sa wa pa matumbok nga suspek didto sud sa peryahan sa San Jose, Talibon, Bohol niadtong Mayo 20 sa gabii.
Giila ang biktima nga si Johnny Torremocha, 29, minyo ug residente sa Brgy Sikatuna, lungsod sa Talibon. Sa imbestigasyon sa kapulisan nga gipangulohan ni SPO3 Jose Bongator nagbutyag nga ang biktima nga giingong ubos sa ilimnong makahubog nangihi sa bongbong sa usa ka tindahan sud sa peryahan.
Gibadlong kini sa usa sa empleyado sa peryahan apan gihapak hinuon sa biktima ang ulo sa empleyado nga nibadlong gamit ang helmet. (LRB)