KALIWAT sa pulis opisyal nadakpan sa buy bust operation sa mga ahente sa PDES-7 nakuhaag binultong drugas sa miaging gabii sa Brgy. Tangke dakbayan sa Talisay.
Si Decoroso Daan Mangaron, 57, trisikad driver nakuhaag unom ka dagkong bulto sa shabu nga gibana-bana mokapin sa P100,000.
Ang mga ahente sa PDEA mipalit kang Mangaron og usa ka bultong shabu nga mobalor sa P19,000 human sa pipila ka semanang pag-monitor niini.
Si Mangaron nga nahinabi sa Superbalita Cebu miangkon nga namaligya siyag drugas sideline isip trisikad driver, magkuhaan siyag supply sa shabu sa Sitio Magay, Brgy.Tangke, Talisay.
Gibutyag niini nga kaliwat niya ang usa ka pulis opisyal nga igsoon sa iyang amahan.
Hinuon, giklaro niini nga ang opisyal sa kapulisan wa mahibawo sa iyang binuhatan. (GPL)