USA ka kanhi drug surrenderer ang gipusil patay samtang nagtan-aw og TV sud sa iyang panimalay sa wa pa mailhing suspek didto sa Sitio Lapyahan, Barangay Labogon, dakbayan sa Mandaue niadtong Huwebes sa gabii.
Ang biktima giila nga si Julie Melencio Melendres, 32, lumolupyo sa samang dapit.
Matod ni P/CInsp. Mercy Villaro, information officer sa Mandaue City Police Office (MCPO), nga atol sa insidente pasado alas 10 sa gabii, ang biktima nagtan-aw pa sa telebisyon samtang nangatog na iyang anak ug ka-live-in.
Sa insidente, giingong nisud og kalit ang gunman sa panimalay ni Melendres ug nakit nga nipusil sa biktima.
Dead-on-the-spot ang biktima human kini maigo sa dughan.
Gitataw ni Villaro nga gidali pa og tabang sa mga sakop sa ERUF si Melendres apan wa na kini pulso.
Sigun pa niya nga samtang gipusil ang biktima, naghuwat nang daan ang usa ka motor ug drayber nga naghuwat sa gun man dayon nisibat palayo human sa insidente.
Nagtuo si Villaro nga possibleng wa gi-lockan ni Melendres ang ilang pultahan sa hitabo.
Atol ning pagsuwat, padayon pa nga gitino sa kapulian ang motibo sa pagpamusil kon kini may kalambigitan ba sa koneksyon ni Melendres niadto sa ilegal nga drugas o personal nga panagbangi.
Paambit ni Villaro nga way bisan usa ang nakabantay o nakakita sa mga suspek. (JPP)