MAGPINUG-ANAY na sab og singot sa utok ang batan-ong chess players sa Sugbo alang sa Mayo nga edisyon sa Cebu Executives and Professionals Chess Association (CEPCA) Age-Group Monthly Tournament sugod karong alas 12:30 sa udto sa J Centre Mall sa Mandaue City.
Ang mga kategoriya nga naglangkob sa torneyo mao ang 20-Under, 16-U, ug 12-U.
Ang top four finishers sa 20-U makadawat og P1,500, P1,000, P600 ug P400.
Samtang ang top four sa 16-U ug 12-U parehong makabulsa og P1,000, P700, P500 ug P300.
Ang rehistrasyon nagkantidad og P200 alang sa 20-U ug P150 alang sa 16-U ug 12-U.
Ang mga ning-qualify na alang sa Grand Finals mao sila si Christian Pondoyo ug Adrian Basilgo sa 20-U, Arje Villarin ug Aldritz Pondoyo sa 16-U ug sila si Aaron Resma ug Jervy Villarin sa 12-U.
Ang CEPCA ug J Centre Mall nagtambayayong sa pagpahigayon ning torneyo kansang tuyo ug tumong mao ang pagdiskubre og batan-ong chess players sa Sugbo nga adunay potensyal. (ESL)