SECTIONS
Thursday , June 21, 2018
SUPERBALITA CEBU

Cebu City maoy overall champs

GILANGKAT sa Cebu City ang overall champion sa Philippine National Games (PNG) 2018 human sa usa ka semanang kombati.

Hangtod ning pagsulat, ang Cebu City Ninos nakahagdaw na og 41 ka gold, 54 ka silver ug 67 ka bronze.

Nagsunod sa Ninos ang Baguio City nga may 38-36-54, samtang ikatulo ang Mandaluyong (26-17-27) .

Surprisang misaka og maayo ang Cebu Province human kini mipuwesto sa ikaupat nga dapit nga may 18-18-28 nga medal tali samtang mikatkat sa ikalima ang Mandaue (18-15-11).

Apan sukwahi sa gipaabot, pulos nangapakyas ang Sugbuanong mga boksidor pagsakmit og gold medal sa final round sa ilang tagsatagsa ka weight division kagahapon sa boxing event sa Philippine National Games (PNG) sa Cebu Coliseum.

Gipangtumbok mao sila si Fatima Flordelis, John Paul Gabunelas, Jacob Regis ug Jeorge Rey Edusma sa Cebu City ug sila si Berland Robles ug Kit Ceron Garces sa Cebu Province, kinsa pulos ra nakalangkat sa silver medal.

Si Flordelis gilupig ni Norilyn Jardeliza sa Sultan Kudarat pinaagi sa 2nd round Referee Stop Contest (RSC) sa youth women’s bantamweight division unya si Gabunelas gipilde ni Mark Lester Durens sa Cagayan de Oro pinaagi sa split decision sa youth men’s light flyweight.

Si Regis gibuntog ni John Paul Panuayan sa Cagayan pinaagi sa 2nd rd. RSC sa youth men’s lightweight samtang si Edusma gipukan ni Ian Clark Bautista sa Negros Occidental pinaagi sa RSC sa elite men’s bantamweight.

Naglupig kang Robles mao si Junmilardo Ogayre sa Davao City pinaagi sa UD sa youth men’s bantamweight samtang ang nagbuntog kang Garces mao si Ramel Macado Jr. sa elite men’s light flyweight pinaagi sa split decision. (ESL)


VIEW COMMENTS