WALAY nakita nga dautan si Misamis Oriental Governor Yevgeny Vincente Emano sa pagpanumpa ni Barangay 17 kapitan Goldimar Ebabacol kinsa napili pag-usab sa imaging piniliay.
Si Ebabacol sa taas nga panahon nagpabilin nga loyal partido nga Padayon Pilipino ug niadtong imaging semana nanumpa kini atubangan ni Cagayan de Oro City Mayor Oscar Moreno.
Matud sa gobernador nga wala siyay nakita nga sayop sa pagpanumpa niini ngadto kang Moreno.
"Wala pa man hinoun mi nagkastorya pero alang kanako iya kanang katungod ug dili tungod kay didto siya nanumpay mawala dayon iyang loyalty sa Padayon Pilipino?"
"Kung ako lugar maghurar kang Presidente Rodrigo Duterte magpasabot ba kini nga iya na dayon kong kaalyado?" Pahayag pa niini.
Matud ni Emano nga kon nakita ni Ebabacol nga makahatag og proyekto ang siyudad kaniya dili kini angayan ihikaw sa iyang pagpangatungdanan. (SVB)