Beauty queen naligsan, patay

PATAY ang 21 anyos nga beauty queen lakip ang iyang amahan human sa aksidente nga nahitabo sa Barangay Dalipuga, dakbayan sa Iligan.

Giila ang biktima nga si Yvonne Fabria, kinsa bag-o lang gikoronahan isip 3rd runner up sa Miss Lugait 2018.

Lakip sa nakabsan sa kinabuhi iyang amahan nga si Alfredo Fabria, 50, pulos lumad nga taga lungsod sa Lugait, Misamis Oriental.

Sa inisyal nga imbestigasyon sa Police Station (PS) 3 sa Iligan City Police Office, nasuta nga adunay lakaw ang mga biktima niadtong tungora sakay sa motorsiklo nga gimaneho sa amahan.

Apan pag-abot sa nahisgotang dapit, giingong nadigyas ang gidrayban nga motorsiklo hinungdan sa pagkatumba. Sakto usab ang pag-agi sa trailer truck nga wala na ka brake ug naligsan ang mga biktima.

Dead on the spot ang mga biktima tungod sa kadaot nga naangkon sa ilang mga ulo.

Matod ni Senior Police Offier 2 Gerarld Andrew Searez sa PS3 Iligan kinsa nahinabi sa SunStar SuperBalita nga kasamtangang nagtingkagol sa prisohan ang driver sa trailer truck nga si Matt Hantica, taga Puerto sa dakbayan sa Cagayan de Oro.

Mag atubang og kasong reckless imprudence resulting to multiple homicide and damage to properties ang drayber.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph