SAMTANG anaa sa Singapore, ang aktres nga si Solenn Heuseff mi-share nga anaa siya sa gym dihang si Chris Hemsworth kinsa nailhan nga si "Thor" miabot ug midagan sa treadmill katapad niya.
Samtang si Sebastian Stan anaa sab ug nag-alsa og weights kauban sa aktor.
Ang duha ka Hollywood stars anaa sa Singapore nga parehang gitambongan ni Solenn apan wala siya nakuhaan og hulagway sa iyang bana, Nico Bolzico, kinsa nag-post sa Instagram Stories niadtong Biyernes sa hapon sa pagpangayo og pasaylo.
Sa usa ka clip, miduol siya sa iyang asawa sa ilang hotel apan giyawyawan siya niini, "No one's ever going to know that because of my stupid husband," matud niya, una mihunong ug pasiyaw nga nagtangtang sa iyang wedding ring.
"No, baby. Don't joke about --don't joke with that. Baby, put that back," pahayag ni Bolzico dihang naputol na ang clip.
Apan human niini, nagpahulagway ang duha atol sa event kauban si Hemsworth.