MALIPAYON nga gipahibawo sa beteranong actor nga si Michael de Mesa ang pagkaayo niini gikan sa hepatitis C.
Sa iyang Instagram account, nag-post ang 58-anyos nga aktor sa hulagway sa iyang medical laboratory test nga kini kay luwas na ug naayo na sa hepatitis C.
Gipasalamatan sab niini ang Ginoo tungod sa pagkaayo niini.
Tuig 1999 nga ma-diagnose kini sa maong sakit ug sulod sa 20 tuig kay wala miundang sa pagpangita og tambal.
Una niya nahibal-an nga wala na ang virus niadtong Disyembre apan gusto niya makaseguro hinungdan mipailalom pa kini sa ikaduhang pagtsek-up.