Sara: Brigada Eskwela isip tulay sa buhing 'bayanihan'

"IN BRIGADA Eskwela, 'bayanihan' is very much alive through helping hands, and unrelenting commitment to serve and improve the quality of education." Ang mensahe sa buhing diwa sa bayanihan ni Department of Education (DepEd) Secretary Leonor Magtolis Briones.

Ang Brigada Eskwela nailhan na sa tibuok nasud isip tinuig nga kalihukan diha sa pagpangandam sa matag tulunghaan nga gitagana para ug alang sa mga kabataan o estudyanteng nagtungha ug motunghaay pa.

Kining maong usa ka nasudnon nga kalihukan sa di pa mobusikad ang klase, hiniusang ablihan karong Mayo 29, 2018 sa usa ka tulunghaan, New Society National high School, didto sa dakbayan sa General Santos uban sa tema, "Pagkakaisa para sa Handa, Ligtas at Matatag na Paaralan Tungo sa Magandang Kinabukasan."

Pinaagi niining Brigada Eskwela "Together, we can achieve so much for our learners," dugang pa ni Briones. "This year, once more, we call on everyone's selfless participation."

Gidayeg sa DepEd tsip ang aktibong pag-apil sa mga miyembro sa school communities ug mga local stakeholders isip maoy mopakita sa ilang dakong papel diha sa kalampusan diha sa pagpangandam sa matag tulunghaan alang sa quality basic education.

"Every year, we work to ensure that schools nationwide are ready and safe for our learners before classes open," matud pa ni Briones, dugang niya "We witness the spirit of volunteerism in motion as Filipinos from all walks of life make quality basic education all the more possible for our learners through Brigada Eskwela."

Giawhag ug gidasig ni Briones ang tanang DepEd employees nga mohalad sa ilang katakus, mopaambit sa ilang panahon o kaha mohatag og mga hinabang in-kind ngadto sa ilang tagsa-tagsa ug duol nga eskuwelahan.

Ang mga magtutudlo sab kon DepEd teaching personnel mohimo sab og kompleto nga (6 days) unom ka adlaw nga aktibong pag-apil sa mga kalihukan sulod sa Brigada Eskwela aron makakuha og service credits nga tulo ka adlaw, (3 days).

Gidayeg ni Briones ang makanunayon ug malangkubong suporta gikan sa ahensiya sa gobyerno, nasyonal ug lokal man, mga pribadong sektor, mga international ug local organizations, ug uban pang grupo o indibiduwal nga misuporta ug dunay intensiyon nga motabang ug mobolintaryo sa ilang panahon, kusog ug mga resources nga magamit sa pagpalambo sa eskuwelahan.

Daghan sab ang nihalad og hinabang pinaagi sa gitawag og "Adopt-a-School Program". Mga pribadong sektor ug mga organisasyon ug uban pang mga donors nga nagahatag og mga materyales sama sa semento, pintura ug uban pang construction tools aron magamit diha sa pag-repair sa school facilities.

Gidasig sa DepEd tsip ang mga partners ug donors sa dili paghatag og cash, kon dili mga materyales alang sa pagpangandam sa eskuwelahan. Gikalipay sab ang pag-provide sa mga panginahanglanon alang sa mga estudyante sama sa Learner's kit ((bag, notbok, lapis, bolpen, krayola, ruler, gunting, ug uban pa).

Mamahimo sab nga ang mga donasyon pinaagi sa mga panginahanglanon sama sa Teacher's kit ug sa Health and Hygiene Kits (sabon, toothpaste, toothbrush, drinking water ug uban pa).

Pinaagi niining Brigada Eskwela, ang buhing diwa sa "bayahinan" makita ug masaksihan diha sa aktibong pag-apil-apil sa mga kalihukan pinaagi sa paggahin og panahon, talento ug kusog ug bahandi ngadto sa tulunghaan alang sa kalidad nga edukasyon sa atong mga kabataan.

Kining maong kalihukan nagpahinumdom sa matag usa kanato ang kaimportante sa atong kultura ug tradisyon nga mapreserba ang diwa sa pagtinabangay, pagtambayayong, pagserbisyo ug komitado diha sa sinserong pagtahan sa kaugalingon.

Ang diwa sa "bayanihan" hinayhinay na karon nga napapas sa atong kultura ug tradisyon. Busa, ibalik nato ang naguba nga kulturang Pinoy pinaagi sa pagpakita sa unsay tinuod nga diwa sa Brigada Eskwela. Ipakita dili unta ang selfish nga pag-apil niini kon dili "everyone's selfless participation". Tara na sa Brigada Eskwela!

(Comment-feedback- 09109006290)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph