DUL-AN sa tunga sa milyon ka pesos nga kantidad sa shabu ang nasakmit sa kapulisan atol sa buy bust-operation sa miaging gabii sa Barangay Poblacion, Danao City.
Gipusasan si Emmanuel Buot, 46, minyo ug nagpuyo sa nahisgutang dapit, ug iyang ka kunsabo nga si Leonilyn Cocal, 30.
Sila si Buot ug Cocal nadakpan nila ni PO3 Phil Restauro, PO3 Marlon Romollo, mga kauban sa City Anti-illegal Drugs Special Operation Task Group (CAIDSOTG) sa Danao Police.
Nakuha gikan nila ang lima ka gagmayng putos, usa ka medium zise nga putos sa shabu, mitimbang sa 27 gramos nga mobalor sa P318,000 mil, P200 nga buy-bust money, ug P1,150 nga halin sa drugas.
Samtang, gipusasan sa ang tulo ka mga pusher human sa buy-bust operation sa kapulisan sa miaging gabii sa Barangay Poblacion, lungsod sa Liloan.
Sila si Nestor Calva, 45, ulitawo; Kris Orlanda 29, biyudo; ug Joemark Binghay Frasco, 20, ulitawo, ang nakuhaan og 7 ka gagmayng putos sa shabu, 2 ka dagkong putos sa shabu nga dul-an sa P15 mil, mga pinaugang dahon sa marijuana, lima ka stick sa sigarilyong marijuana, daghang drugas paraphernalia.
Si Sr. Insp. Morpos, miingon nga daghang reklamo sa mga ginikanan batok sa tulo kay lablaran ang pagpamaligya niini sa drugas sagad sa kustomer nga mga tinun-an.
Hinungdan nga human sa ilang monitoring gipahigayon ang buy bust operation napusasan ang tulo kinsa wala na makadagan kay ilang napalibutan.