NIBUTYAG si Cebu City Mayor Tomas Osmeña nga nagbingkil ang duha ka mga dagkong lider sa Barug Team Rama Partido Demokratikong Pilipino (PDP)-Laban – sila si kanhi mayor Mike Rama of Bise Mayor Edgardo Labella.
Ang duha, matod pa niya, gustong modagan sa pagkamayor sa eleksyon sa 2019. “Now, they’re fighting, they’re fighting. Michael Rama versus Vice Mayor Edgardo Labella,” matod pa ni Osmeña.
Gikataho nga gustong sakmiton pagbalik ni Rama, pangulo sa Barug Team Rama, ang puwesto sa mayor. Samtang si Labella, ang pangulo sa PDP-Laban sa syudad, gikataho nga modagan sab sa pagkamayor.
***
Ingon sa mas suhito pa si Mayor Osmena sa unsay nahitabo sud sa Barug Team Rama-PDP Laban kay sa mga sakop niini. Alang kaniya, si Rama nga iyang gipildi sa miaging eleksyon, mas dakog bentaha kay ni Labella.
“They both have their advantages. I think Labella has greater appeal than Rama. It depends on what you’re looking at. For me, it’s hard to win without a base and Labella does not have one, but Rama has. Rama has a very big base in Barangay Basak San Nicolas, which has around 20,000 voters,” matod pa niya.
Katunga ra matod niya ang balwarte ni Labella sa kang Rama. Pero iya pa gyud nga gipun-an, “Labella even cannot win in his precinct. His brother cannot even win in his precinct. What more the barangay?”
***
Apan wa isulti ni Osmena nga mas dako siyag bentaha kon parehong modagan sa pagkamayor si Rama ug si Labella. Sa unang panahon, sa duna pay mga gingharian ug mga imperyo, mao kini ang gitawag nga divide and rule.
Sayon ra kaayong buntugon ang imong mga kontra kon sila mismo manag-away, kon silay mag-unay. Si Konsehal Joel Garganera sa Barug Team Rama PFP Laban nipasalig nga usa ray ilang kandidato sa pagkamayor.
Pero duna siyay pangutana, “Why doesn’t he (Osmeña) just mind his own party and then we have our own gymnastics here? Ang kapait niya manghilabot siya namo.” Sus, gusto ra niya nga managan silang duha si Rama ug Labella.