SECTIONS
Thursday , June 21, 2018
SUPERBALITA CAGAYAN DE ORO

Gitsek-in nga babae wala gibayran

GIINGONG wala mibayad ang usa ka lalaki sa gika-check in nga babaye gumikan kay daw 12 hours ang ilang sabot apan isa pa lang ka oras migawas na ang babaye sulod sa inn Miyerkules, June 13, sa Burgos-Cruz Taal streets, dakbayan sa Cagayan de Oro.

Ang dinakpan naila nga si Saidamen (bansagon gitago), 28, minyo ug residente sa Marawi City apan kasamtangang anaa sa Carmen ning siyudad.

Sa nahipos nga impormasiyon gikan sa kapulisan sa Police Station 1 (PS1) sa Divisoria, gikabutyag nga gireklamo sa management sa inn ang suspek human nga nagdumili kini sa pagbayad sa iyang bayrunon sa maong lawak ug lakip na usab sa pagpangguba niini sa mga gamit sulod sa lawak sama na lamang sa aircon, TV, lavatory, duha ka bintana ug faucet kinsa misulay sa pagsibat pinaagi na usab sa paglayat sa bintana apan nahulog kini gikan sa atop nga bahin.

Sa pakighinabi sa SunStar SuperBalita ngadto sa suspek, gibutyag niini nga gipugos lang matud kini samtang nalabyan ang babaye ug nagsabot sila nga mag 12 oras apan isa pa lang ka oras buot na nga molakaw sa babaye hinungdan nga wala kini mibayad sa sabot nga P1,500.

“Inaamin ko naman yung kasalanan ko, hindi pinilit man nila ako, pagkatapos namin sinabi man niya na ang anak niya ihahatid niya sa school, ang usapan naming 12 hours lumabas siya 1 hour lang, bakit ka lumalabas na 1 hour lang kaya hindi ko binayaran kasi tumakas eh,” pahayag sa dinakpan.

Nasayran nga una kining nag-inom sa usa ka imnanan ug wala usab nibayad ug nag-table pa og usa ka babaye hinuon gipasaylo ra kini apan nakig-check in kini og laing babaye ug gipago ang bayrunon ngadto sa maong babaye lakip na sa nahisgutang Inn hinungdan nga gireklamo ug gisikop sa mga otoridad.

Sa pagsulat niini nga balita, anaa sa buhatan sa kapulisan ang dinakpan alang sa tukmang disposasiyon.


VIEW COMMENTS