SECTIONS
Thursday , June 21, 2018
SUPERBALITA DAVAO

Trillanes ipabarang ni Mayor Sara

MISAMOT ang kalagot ni Davao City Mayor Sara Duterte-Carpio ngadto kang Senador Antonio Trillanes IV human migula ang balita nga gipamulong sa senador nga giandam si Mayor Sara ni Presidente Rodrigo Duterte nga mamahimong mosunod nga presidente sa nasud.

Sa kalagot sa Mayor, iyang giingon sa comment sa post sa iyang Facebook account nga iyang ipabarang si Trillanes.

“Kinsay kaila og mananambal dinhi? Ipabarang nis Trillanes beh, kanang mawala iyahang tingog aron di kaistorya, mabali ang mga tudlo, aron di kasulat. Maximum levels,” tipik sa post sa Mayor.

Sa maong post giingon sab sa Mayor nga kung mamahimo di nalang ibungat ni House Speaker Pantaleon Alvarez ang pangalan sa Mayor ug iyang giingnan si Alvarez nga bati kini'g wa-it.

“Like Speaker Alvarez, my advice to you is not to think of me, speak of my name, not even a whisper of Inday Sara from your ugly lips,” giingon sa Mayor.

Gibulgar sab sa mayor nga dunay purohan nga mogamit og binilyon si Alvarez ug ang mga higala niini sa 2022 presidential elections batok sa Mayor.

“Leave me in peace in Davao City or else you and your friends will spend more than a billion in the 2022 Presidential elections just to make me insignificant,” ingon ni Mayor Sara.

Dugang ni Mayor Sara, “Let me repeat, do not bother me and my slot will be available for a yellow Senator for the 2019 elections. President Duterte imagines you will be shot, on the other hand, I will make sure you are alive and in pain,” niya pa kinsa nipasabot ang iyang kasingkasing diha sa iyang inahan, ug kinahanglan kining paminawon ni Alvarez.

“I have been described as heartless by my mother, please do not anger me so that you may remain relevant for the future generation. And you should listen to my mother,” ni Mayor Inday sa iyang post.

Sukad sa pagsuwat ning balita, wa pa mipagula og pamahayag si Alvarez labot sa post ni Mayor Sara apan suma ni Trillanes, “Hindi ko na lang siguro papatulan ‘yan. I don’t have time for that,” ni Trillanes pinaagi sa GMA News.


VIEW COMMENTS