SECTIONS
Saturday , June 23, 2018
SUPERBALITA CEBU

Sugbo Transit pabiyahion bisan og wa pay prankisa

SAMTANG giproseso pa sa Sugbo Transit Express Incorporated ang prangkisa alang sa biyahe sa bus gikan sa Cebu South Bus Terminal, mamahimo ra kini makadagan sugod sa Hulyo 1 tungod kay gihatagan kini og Provisional Authority sa Land Transportation Franchising and Regulatory Board (LTFRB) 7.

Matod ni LTFRB 7 regional director Ahmed Cuizon nga nisumiter sa ilang aplikasyon sa prangkisa ang STEI niadtong nakalabay nga semana atol sa inagurasyon niini.

“They filed last week, just in time for the opening of the airport’s Terminal 2. It is meant to serve the expected increase in the number of flights and passengers at the airport,” si Cuizon nagkanayon.

Dugang niini nga human mi-file ang STEI sa ilang aplikasyon ug makabayad sa gikinahanglan bayrunon, aduna’y hearing nga pagahimuon ingon man ang pagmantala sa notice of hearing sa pamantalaan.

Nianunsiyo na ang operations manager sa CSBT nga si Joey Herrera nga nagkantidad og P40 ang plete gikan sa maong terminal paingon sa tugpahanan sa Mactan ug pabalik.

Anaa sa P25 ang minimum nga pletehan niini.

Gipaabot nga mopakusog kini sa turismo. (HBL)


VIEW COMMENTS