SECTIONS
Wednesday , June 20, 2018
SUPERBALITA CEBU

Pisonet idili na sa Lapu-Lapu?

PAHUGTAN sa kagamhanan sa dakbayan sa Lapu-Lapu ang operasyon batok sa pisonet human nga nagsilbi kining access sa kabataan sa mga law-ay nga tan-awon sama sa cyberpornography.

Si Mayor Paz Radaza una nang nanghingusog sa pagpa-undang sa maong operasyon sanglit sagad sa mga pisonet machine way attendant nga nagmonitor ngadto sa mga mogamit niini ilabi na ang mga menor de edad.

“Gikinahanglan there has to have a guideline sa usage,” tipik sa pamahayag ni Radaza atol sa press conference kagahapon.

Misugyot ang opisyal nga gikihananglan nga adunay usbon sa nalatid nga ordinansa sa siyudad kalabot sa operasyon sa internet cafe aron nga isal-ot ang regulation sa pagdumala og pisonet machine.

Sa sayo pa, ang Barangay Basak niduso og endorsement ngadto sa konseho sa dakbayan sa pag-ban sa operasyon sa pisonet human nga adunay na-rescue nga menor de edad nga naatlan nga migamit sa maong ‘pisonet’ machine nga nag-engage og cyberporn.

Ang konseho padayon pa nga nihimo og pagtuon sa maong lakang kabahin sa maong endorsement.

Nasayran ang negosyo nga pisonet susama og internet cafe diin affordable sa kabataan sanglit makagamit na sila sa computer sa kantidad nga P1 sud sa upat ngadto sa unom ka minutos nga online usage or gaming.

Sagad usab sa maong negosyo way nagbantay sa mga mogamit niini ilabi na ang mga menor de edad hinungdan nga sayon ang pag-abuso pinaagi sa pag-abli sa mga pornographic sites. (FVQ)


VIEW COMMENTS