SECTIONS
Wednesday , June 20, 2018
SUPERBALITA CEBU

Tiggama og lapida nakuhaan og P5.6M nga shabu

Shabu. Si Joel Castro, 44, wa sa listahan sa kapulisan sa mga durugista, apan sulagma siyang nabisto human unang nasikop ang laing drug pusher. Mokabat sa P5.6 milyunes sa gituohang shabu ang nasakmit gikan kaniya. (Tampo ni Romeo Marantal)

TIGGAMA og lapida sa menteryo sa Carreta nasikop sa mga sakop sa City Intelligence Branch inabagan sa Drug Enforcement Unit sa Cebu City Police Office nga gipangulohan ni Superintendent Christopher Navida.

Ang nasikop giila nga si Joel Castro, 44, nagpuyo sulod ra usab sa sementeryo sa Carreta diin nakuhaan siya og 475 gramos sa gituohang shabu nga mobalor og P5,605,000 nga maoy street value niini.

Matod ni Senior Superintenden Joel Doria nga ang pagkasikop ni Castro resulta sa pagkadakop og una ni Catalino Oliveros Jr. sa sitio Tabasca, Barangay Basak San Nicolas niadtong miaging hapon nga nakuhaan usab og illegal nga drugas nga mobalor og P3.5 million.

Sakop sila sa grupo ni Jeffrey Diaz, alyas Jaguar, kaniadto apan naa na sila karon sa pangabaga nga si Jose Arellano, alyas Otik, nga naa pa sa Cebu City Jail.

Gimonitor na ang ilang illegal nga negosyo human usa ka 18 anyos nga maanyag nga babaye nga si Riza Mae Cabigon, tinun-an sa usa ka unibersidad sa syudad sa Sugbo, nadakpan nga nakuhaan og P1 milyon nga balor sa drugas.

Kon sumadahon ang nakuha nga drugas sa kapulisan, moabot sa P9.3 million sud sa tulo ka adlaw nga anti drug operation.

Gikan sa kaulohan ang supply sa illegal nga drugas sa syudad ug lalawigan sa Sugbo ug giagi sa mga roro port.

“Mga new player itong mga nahuli natin. It turned out ang source ng illegal drugs came from Luzon travelled via roro. Ang style nila magpapanggap silang tourists, parang back packers ba. Malalaking bag nila ang laman nuon. Pulos maruroming damit, nandoon nakalagay ang illegal drugs,” matod ni Doria. (AYB)


VIEW COMMENTS