SECTIONS
Wednesday , June 20, 2018
SUPERBALITA CEBU

Ambulansya di exempted: Osmeña

WAY exemption ang pag-clamp sa mga sakyanan nga makalapas sa balaud sa trapiko.

Mao kini ang gipadayag nila ni Cebu City Mayor Tomas Osmeña ug Francisco “Isko” Ouano, hehe Cebu City Traffic Operations (CCTO).

Usa ka ambulansya nga gipanag-iya sa usa ka tambalanan ug laing iya sa Emergency Rescue Unit Foundation (ERUF) ang giklaman sa mga traffic enforcer samtang gi-park sa may Governor M. Roa street, gawas sa emergency room sa Cebu Doctors’s Hospital.

Matod niya ang Eruf naghatod og pasyente sa tambalanan, apan way drayber nga nagbantay ug wa usab nigamit og mga ilhanan nga sila “on-standby” o nga adunay emergency.

Ang laing ambulansaya taud-taud nang naka-park sa maong dalan.

“The reason nganong dili nana nato pa parkingan, para visible para ni maskin kinsa ang dalan, para nato tanan. Kibaw gyud ta nga karong panahona, grabe na gyud ang traffic,” saysay sa hepe.

Alang ni Ouano nga wa silay intensyon nga ang mga ambulansya klaman, apan angay usab morespeto ang tanan ug motuman sa mga balaod sa trapiko.

Matod ni Osmeña nga nakadawat siya og reklamo pinaagi sa text mahitungod sa pag-park sa duha ka mga ambulansya sa maong dalan ug iyang gipadad-an sa CCTO.

“That’s one of the complaint’s I got from my text’s. ‘Mayor why do they park outside and look at inside (parking area), nindot ang mga sakyanan’. So, akong gipasa sa Citom. Then I said, clamp it,” sigon sa mayor.

Parehong pasabot nila ni Osmeña ug Ouano nga kini “illegal parking.” (Carla Jane Calotes, CNU Comm Intern)


VIEW COMMENTS