SECTIONS
Wednesday , June 20, 2018
SUPERBALITA CEBU

Opisyal sa Carcar suspensuhon

MASUSPENSO og usa ka tuig si Carcar City Engineer Santiago Saducas-Calinawan Jr. nga gireklamo nakalapas sa Republic Act 6713 kun Code of Conduct and Ethical Standards for Public Officials and Employees.

Kini dihang gidasonan ni Ombudsman Conchita Carpio-Morales ang usa ka tuig nga suspension nga way bayad batok sa maong opisyal gumikan sa giingong pagdumili pag-isyu og fencing permit ngadto sa usa ka tag-iya og luna sa miaging tuig.

Si Calinawan, nagsilbi usab nga pangu sa Office of the Building Official sa siyudad sa Carcar, nga gikuhaan og habig, nitug-an nga wa pa siya makadawat og kopya sa kamandoan sa Office of the Ombudsman, apan modangop siya sa Court of Appeals aron kini mapugngan.

“Sakit kaayo kay wala koy sweldo pagka OBO. If motrabaho ka og insakto, naay complainant. If dili ka motrabaho og insakto, way complainant, way moreklamo,” padayag ni Calinawan sa pakighinabi sa Superbalita Cebu kagahapon. (SCG)


VIEW COMMENTS