SILANG Donny Pangilinan ug Kisses Delavin or “Donkiss”, ang sunod nga loveteam to watch out for nga makig-kompetensya sa “Jadine”, “Lizquen”, “Kathniel” ug “Mayward”.
Unang movie ni Donny ug sa “Donkiss” ang “Walwal” gikan sa Regal Entertainment Inc. ug sa direksyon ni Joey Reyes.
Human ini may teleserye pa ang bag-ong loveteam kauban si Angelica Paganiban ug Zanjoe Marudo, ang “Playhouse” sa Kapamilya network.
Daghan na ang nagpaabot sa ulitawo nilang Maricel Laxa ug Anthony Pangilinan nga si Donny sa big screen.
Ang pelikulang “Walwal” istorya sa upat ka batan-ong mag-barkada nga silang Donny Pangilinan, Kiko Estrada, Jerome Ponce ug Elmo Magalona.
Mao daw ni ang bag-ong bersyon sa pelikulang “Parent ko” niadtong 1994, mao nga excited kaayo si direk Joey Reyes sa iyang bag-ong cast.
Daghan lang ang nakamatikod nga nag-inusara lang dinhi si Elmo ug wala ang ka-loveteam nga si Janella Salvador.
Tinood kaha nga tsugi na ang loveteam nga “Elnella”? Matud sab ni Elmo nga gusto niyang makauban si Janella sa maong proyekto apan ang istorya sa pelikula naka-focus nilang magbarkada ug dili love story.
Basta karon malipayon ang Elmo sa mga proyekto nga iyang gibuhat ug wala siyay panahon sa mga isyu ug intriga labi na mahitungod sa inahan ni Janella. Atong atangan ang “Walwal” karong Hunyo 27 sa mga sinehan, ay’g saba!
Dugay nang naa dinhi sa Sugbo ang kontrobersyal nga award-winning actor, nga sa akong nahibaw-an nagpa-rehab kini. May nadunggan akong tsika nga misuroy kini sa south ug nag-canyoneering. Nagtoo ko nga nakabalik na kini sa kaulohan pero wala pa diay.
Tug-an sa akong higala bag-ohay lang nila nakita ang maong celebrity, nagpa-birthday kini dinhi ug nanghatag pa ug mga pagkaon sa mga tawo.
Nagkaguliyang gud ang mga pipol sa dihang nakita nila ang aktor kay nangunay man sab gyud ni og pag-apod-apod sa mga pagkaon. Mao kini ang iyang paagi sa pag-selebrar sa iyang birthday, nakig-uban ug nakig-party siya sa mga tawo diha dapit sa may B. Rodriguez.
Guapo ang kontrobersyal nga aktor apan nag-atubang og daghang isyu. Maayo unta makabalik na kini sa pag-arte kay ngilngig kaayo ni modala bisan unsang papel. ay’g saba!