Prime Hat unod sa mayor’s annual report

GIBUTYAG ni Mayor Oscar Moreno atol sa mayor’s annual report ang eight-point agenda nga naglangkob sa Prime Hat.

Ang Prime Hat mao ang (P) sa Peace and order and poverty allegation, (R) Revenue generation and Resettlement, (I) investment, (M) Metropolization, (E) Environment and Education, (H) Hospital and Health services, (A) Agricultural productivity ug (T) Taffic, Tourism and Team work.

Gibutyag ni Moreno nga maayo ang lakaw sa siyudad diha sa edukasiyon diin niubos ang mga nangundang sa pagtungha ug nisaka ang ihap sa nagkooperar.

Gidugang pa usab niini nga anaa na sa sobra 500 ka mga lawak-saringan ang napahuman.

“Let me just mention a few highlights sa atong edukasiyon wala ako magdahom this year we have completed already more than 500 classrooms nga atong nahatag sa atong mga kabatan-onan, well-funded and I emphasized this all funded by the people of Cagayan de Oro City,” pahayag ni Moreno.

Gidugang pa niini nga diha sa kadalanan mokabata na sa 130 kilometros ang napasemento sugod sa pagserbisyo niini sa siyudad.

“So all together from beginning we already paved a total of almost 130 kilometers, molabaw na sa Gingoog kung atong isumpay-sumpay ang atong sementado nga dalan, nagamit na, napuslan na sa atong mga kaigsoonan” dugang niini.

Nagpasalamat usab kini kang Senator Koko Pimentel sa itunol niini nga tabang nga mokabat sa P80 milyones alang sa proyekto diha sa pag-usab sa may Divisoria lakip na usab sa suba aron nga magamit kini isip reinforcement sa pagkontrolar sa baha.

“And in fact beyond Burgos naa pa’y plano nga buhatan nato og stage sa suba mismo para magamit usab ang area and at the same time also serve as the reinforcement sa atong flood control it is a grand plan and ato kanang humanon,” saad ni Moreno.

Gidayeg usab ni Pimentel kinsa maoy bisita sa Charter day celebration ang mensahe ug report ni Mayor Moreno ug nagbutyag kini nga kinahanglan lamang nga maghiusa aron mapadayon ang pag-asenso sa dakbayan.

“68th years of being a City, pa tsada kaayo ang report ni Mayor Moreno, gipakita niya ang mga nahimo niya sa duha ka termino,” pagdayeg niini

Ubay-ubay pa sa mga proyekto ang gibutyag ni Moreno sama na usab sa mga pagtukod sa mga hospital ug dugang mga campuses o tunghaan sa halos matag Barangay ilabi na sa medyo adunay gilayuon sa sentro sa siyudad.

Daghan pa usab ang mga plano niini nga gipresentar sama na lamang sa Oro central project diha sa City Central ug uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph