MAGTINABANGAY ug maghi-usa alang sa kalambo-an sa dakbayan ang mensahe ni Mayor Oscar Moreno atol sa mass oath taking sa mga bag-ong Sangguniang Kabataan (SK) ug barangay officials niadtong Hunyo 15, 2018.
Gipahigayon sa Grand Caprice, Limketkai mall, ang kasaulogan nga gitambongan ni Mayor Sara Duterte-Carpio, mayor sa Davao ug anak sa Presidente sa nasud.
Gibutyag ni Moreno nga nagsugod kini isip minority mayor apan sa kalooy sa Diyos suportado na kini karon sa City Council ug sa bise mayor.
Giingong naghangyo kini sa tabang aron nga mapalambo pa ang siyudad ug buot nga magmalipayon ang katawhan sa dakbayan.
“Sa atoang mga barangay, ang ako nalang mensahe is let’s work together no, magtinabangay kita daghan kaayo mga problema sa serbisyo nga batakan nga the City government cannot do alone and of course usa ako nangayog tabang para in making our people happy and make them more attach sa ilang mga communities elevating the city to greater heights ug tanang Barangays,” pahayag ni Mayor Moreno.
Buot niini nga ang sunod nga hulagway nga makita mao nga ang siyudad nagkahi-usa ug nagtinabangay diin wala’y bahid sa pulitika aron nga makatabang usab sa nasud.
“What I’d like to see ang siyudad both executive and legislative branches working together as one with the barangay levels, Magtinabangay kita regardless of party consideration, magtinabangay kita and dream about a much better City and hopefully sa atong mahimo like Davao makatabang pud kita in nation building no matter how small might may be, kanang atong effort will contribute a lot," saysay niini.
Moabot ngadto sa libo-an ka mga SK ug Barangay officials ang nitambong ug nanumpa atol sa maong mass oath taking.