ADLAW sa mga amahan karon mao nga magbaha ang gayud ang pagtimbaya sa social media sites.
Unang mitimbaya mao si Davao City Mayor Sara Duterte-Carpio sa iyang amahan nga si Presidente Rodrigo Duterte alang sa Father's Day.
Sa iyang mensahe, gihulagway sa mayor kung giunsa siya pagpadako sa iyang pinangga nga amahan.
"Dear Digong, You were hard on me about education and work. You impressed upon me that I am not a person if I am not a lawyer or a doctor and if I do not work for our country," tipik sa mensahe sa Mayor.
Mapasalamaton usab ang Mayor sa iyang amahan diha sa kaligdong niini ug giingon nga kung di tungod sa iyang amahan ug sa iyang inahan dili siya ingon niini karon, gumikan sila ang naghulma kaniya sa maayong buhat ug ang prinsipyo sa pagserbisyo sa katawhan.
"And I am grateful for the rigidity. I would not be where I am now if I did not have you as a father and my Mama. I have your twisted sense of humor and the drive to achieve and these are some of my useful tools as I navigate life. Thank you. Happy Father’s Day!" dugang sa mayor.
Sa mensahe sa mayor, masabot nato nga gisilsil na sa huna-huna ug kasing-kasing sa Pangulo ngadto sa iyang mga anak nga mahimong suluguon sa katawhan.
Mao ni ang hinungdan nga misunod usab sila sa tunob sa amahan nga nahimong bise mayor, mayor, kongresista, ug karong presidente sa nasud nga suluguon sa katawhang Filipino.
Kay mao man kini ang ilang papel sa kalibutan nga mag-alagad sa katawhan, di sab layo sa kamatuoran nga ang mayor mahimo unya nga pangulo.
Apan kay layo pa man ang bugnong lugaynon ug sayo pa kaayo nga atong hisgutan ang mga butang nga wa pa mahitabo, ato lang una ipaabot kaninyo ang pagtimbaya og Happy Father's Day sa mga amahan.