Beterano vs Grade 12 sa tennis championship

NAKABALOS si fifth seed John Bryan Otico sa iyang parehong kalaban niadtong milabay nga tuig sa semifinals nga si defending champion Patrick John Tierro sa Subic dihang iya kini gitagak sa iskor 6-4, 6-4, sa semis sa 2nd Mayor James Gamao Invitational Open Tennis Championship 2018 sa Panabo City twin tennis court.

Ang 18 anyos, pambato sa Maramag, Bukidnon, napakyas kaniadto kang Tierro sa milabay nga tuig ug iya sab gipakuratan ang top seed si Francis Casey Alcantara, 6-4, nga miretiro sa quarterfinals tungod sa kainit sa panahon sa torneyo nga gi-organisa sa For the Love of Tennis (FLOT) Group.

"Serve man jud ang advantage ni PJ (Tierro) so if ma break namo to mas dako amoang advantage kay kung rally man gud lamang ko kay bata pa ko," sulti sa Grade 12 De La Salle Santiago Zobel estudyante.

Sa laing semifinals, gipildi ni third seed Johnny Arcilla si fourth seed Vincent Elberto Anasta sa iskor 6-4, 6-4 tungod niini makalaban ni Otico ang beterano si Arcilla, nag-edad og 38 anyos.

Sa pakig-atubang kang Arcilla, wala siya kahibalo kung unsa ang mahitabo sa duwa diin maningkamot siya modaug, "Kuya Johnny is always a good player."

Samtang, nagpasalamat si Otico nga na-imbitahan siya sa kompetisyon uban ang laing 15 seeded players sa nasud, "Privileged kaayo ko kay na invite ko diri kay naa na man gud diri ang top 16 so gwapo siya nga avenue."

Siya moduwa sa Malaysia sa sunod bulan.

Gawas sa pagsulay og kuha sa titulo sa singles men's ni Otico, abante sab siya sa finals sa 'doubles' human midaug sila kauban si RJ Saga sa iskor 7-5,6-1 batok sa tim Arcilla ug Dheo Talatayod.

Makaharong nila sila Jan Godfrey Seno ug Francis Casey Alcantara human gilampaso sila John Jeric Accion ug Fritz Verdad,

6-2, 1-0.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph